«Ойыншылар өліп қалғандай болды»: Моуринью «Реалдың» «Бетиске» жеңілгеннен кейінгі жағдайын бағалады
«Реалдың» бас бапкері Жозе Моуринью команда «Интерге» қарсы матч қарсаңында Испания чемпионатында «Реал Бетиске» жеңілгеннен кейін қалпына келгенін мәлімдеді, деп хабарлайды Sports24.kz.
Португалиялық маман матч алдындағы баспасөз мәслихатында Севильядағы сәтсіздіктен кейін команда қатты күйзелгенін, алайда футболшылардың күш жинап, енді Чемпиондар лигасы деңгейінде реванш алуға дайын екенін айтты:
«Мен оларды өзім көргім келетіндей күйде көрмедім. Севильядағы матчтан кейін киім ауыстыратын бөлмеде оларды көргенімде, ойыншылар өліп қалғандай болды. Бірақ жексенбідегі жаттығуда олардың жеткілікті түрде қалпына келгенін байқадым, ал бүгін олар мүлде қалыпты көрінді.
Біз өткізген матчты талдап шыққаннан кейін, жақсы ойнағанымызға, команда ретінде әрекет еткенімізге барған сайын көбірек көз жеткіздік. Ал соққанымызға қарамастан кірмей қалған голдарымыз — жай ғана аномалия. Біз бәріне дайынбыз», — деді Моуринью.
Еске салайық, Испания чемпионатының басталуында қатарынан үш жеңіске жеткеннен кейін «Реал» күтпеген жерден «Бетиске» 0:1 есебімен есе жіберді. Мадридтік футболшылар реваншты 9 қыркүйекке қараған түні өз алаңында миландық «Интерді» қабылдағанда ала алады.
