«Наполи» – «Кальяри» матчының жеңімпазы анықталуы үшін 17 пенальти қажет болды
3 желтоқсанда Италия Кубогының 1/8 финалында «Наполи» мен «Кальяри» кездесті. Матч 1:1 есебімен тең аяқталып, жеңімпаз ұзаққа созылған пенальти сериясында анықталды.
Бірінші таймда жартылай резервтік құраммен алаңға шыққан неапольдіктер әлдеқайда сенімді көрінді. 28-минутта «Наполи»-дің шабуылшысы, таран-типті Лоренцо Лукка алыстағы бағанға бағытталған навесті баспен ұтымды аяқтап, есеп ашты – 1:0.
Сардиниялықтар екінші таймда таразы басын теңестірді. Эспозито «Наполи» қорғаушыларының үйлеспеген әрекетін пайдаланып, қақпашы Милинкович-Савичпен жеке-дара шығып, оны қапы қалдырды – 1:1. Негізгі уақыт 1:1 есебімен аяқталды.
Пенальти сериясы ұзаққа созылды, себебі Давид Нерес шешуші пенальтиді мүлт жіберді және серия «алғашқы қателікке» дейін жалғасты. Тағдырлы соққыны Буонджорно дәл орындап, ақыры 9:8 есебімен жеңіс Антонио Конте командасының еншісінде кетті – олар Италия Кубогының ширек финалына жолдама алды.
Күннің өзге бір матчында «Аталанта» «Дженоадан» 4:0 есебімен басым түсті.
Италия Кубогы. 1/8 финал
«Наполи» – «Кальяри» – 1:1 (1:0), пенальти бойынша 9:8
Голдар: Лукка, 28 (1:0); Эспозито, 67 (1:1)