Моуринью Эль-Класико алдында журналистке ұзақ қарап қалып, видеоға түсіп қалды
Португалиялық маманның әрекеті телекамера объективіне түсіп, жанкүйерлердің екіұшты реакциясын тудырды, деп хабарлайды Sports24.kz.
Оқиға Эль-Класико басталар алдында «Камп Ноу» стадионының трибуна астындағы бөлмесінде болды. DAZN журналисті Сандра Диас репортаж жүргізіп жатқан кезде, маңында тұрған Моуринью оған бірнеше секунд бойы көз алмай қарап қалды.
Қызықты сәт тікелей эфирге түсіп, кейін бейнежазба әлеуметтік желілерде жылдам тарады.
Пайдаланушылар 63 жастағы маманның әрекетіне әртүрлі пікір білдірді. Бірі болған жайтты әзілмен қабылдаса, енді бірі португалиялықты сынап, оның көзқарасын орынсыз деп санады.
Моуринью интернетте кең тараған бұл эпизодқа қатысты көпшілік алдында пікір білдірген жоқ.
Еске салайық, мадридтік «Реал» Эль-Класикода «Барселонаны» 2:1 есебімен жеңді. Осы нәтиженің арқасында Моуринью командасы Испанияның Ла Лига турнирлік кестесінде каталониялық клубтан қалып қоюын үш ұпайға дейін қысқартты.
