«Монтеррей» – «Интер» – 1:1. Голдар және матчқа бейнешолу
Кристиан Киву «Интердегі» бапкерлік жолын тең ойынмен бастады
Футбол
Абылай Сеитов
Журналист
ФОТО: Getty Images
АҚШ-та клубтық әлем чемпионатының топтық кезеңіндегі матч өтті. «Монтеррей» мен миландық «Интер» 1:1 есебімен тең түсті.
24-минутта «Монтеррейдің» қорғаушысы Серхио Рамос есеп ашты. Алайда бірінші таймның соңына қарай «Интер» капитаны Лаутаро Мартинес таразы басын теңестірді – 42-минут.
Екінші таймда екі команда да бірнеше қауіпті сәт ұйымдастырды, алайда есеп өзгерген жоқ.
Айта кетейік, бұл матч «Интердің» жаңа бас бапкері Кристиан Кивудің алғашқы ойыны болды. Командалар Е тобында өнер көрсетеді. Бұл топта сондай-ақ Жапонияның «Урава Ред Даймондс» және Аргентинаның «Ривер Плейт» клубтары бар.
Матчтың бейнешолуын назарларыңызға ұсынамыз.
