«Мұндай қақпашыны Чемпиондар лигасы әлі көрмеген». Испания Анарбековке тәнті болды
Темірлан Анарбеков Еуропаны баурауын жалғастырып жатыр - енді 22 жастағы «Қайрат» қақпашысы туралы әлемдегі ең беделді спорт басылымдарының бірі жазды. Испанияның Marca газеті қазақстандық қақпашының Чемпиондар лигасындағы ойынына арналған кең көлемді материал жариялап, Анарбековті турнирдің қазіргі таңда ең үздік қақпашысы деп атады.
Журналистердің жазуынша, мұндай жоғары баға топ-5 лигасына кірмейтін клуб ойыншысы үшін күтпеген сенсацияға ұқсайды. Алайда статистика да, еуропалық сарапшылардың пікірі де Анарбековтің жағына шыққан.
«Алғашқы ойындарда назар өте жас Дастан Сәтпаевқа ауған еді - ол «Қайраттың» Чемпиондар лигасындағы дебюттік маусымындағы басты жаңалық болды. Бірақ іріктеу кезеңінің шын мәніндегі батыры - Темірлан Анарбеков. Дәл сол ол «Селтикке» қарсы матчтарда өз қақпасын голдан қорғаштап, пенальти сериясында үш соққыны тоқтатып, шотландтарды абдыратып қойған», - деп жазады Marca.
Испаниялық басылым Темірланның ойыны еуропалық таңдаулы қақпашылар деңгейінен кем еместігін, әрі турнирдегі негізгі көрсеткіштер бойынша үздіктердің қатарында тұрғанын ерекше атап өтеді.
Темірлан Анарбеков Чемпиондар лигасындағы «Қайраттың» басты жаңалығы атанғанына біраз болды. «Олимпиакосқа» қарсы соңғы ойында ол сегіз сейв жасап, матчтың ресми үздік ойыншысы атанған еді.
