Мбаппе Бэйл мен Асенсионың жетістігін қайталады

Футбол Кеше 23:48

ФОТО: gettyimages.com

Мадридтің "Реал" клубының француз шабуылшысы Килиан Мбаппе, 2024 жылғы Құрлықаралық кубоктың финалында мексикалық "Пачукаға" қарсы (3:0) жеңіс голын соғып, бір нәтижелі пас беріп, клуб тарихында сирек кездесетін жетістікке жетті. Бұл туралы Opta Sport хабарлайды.

Ақпаратқа сәйкес, Мбаппе соңғы 10 жылда "Реал" сапында екі алғашқы финалда да гол соққан үшінші футболшы атанды. Бұған дейін осы жетістікке Уэльс ойыншысы Гарет Бейл (2014) және испандық Марко Асенсио (2017) қол жеткізген болатын.

Айта кетейік, Мбаппе осыған дейін "Реал" құрамында УЕФА Суперкубогын жеңіп алған.

Қазіргі маусымда Мбаппе "Реал" үшін 23 матчқа қатысып, 13 гол және 3 нәтижелі пас жасап, команда үшін маңызды ойыншыға айналды.

Суперкомпьютер Астананың АПОЭЛге қарсы ойынына болжам жасады