Астанада футзалдан Қазақстан мен Дания арасындағы маңызды матч өтеді
Футзал
Аружан Темірбек
Редактор
ФОТО: KFF_team
2026 жылғы Еуропа чемпионатының іріктеу кезеңінің үшінші турында Қазақстан футзал құрамасы Дания командасымен кездеседі.
Ойын 2025 жылдың 5 ақпанында Астанадағы Жақсылық Үшкемпіров атындағы жекпе-жек сарайында өтеді.
Екі турдан кейін Кака жаттықтыратын Қазақстан құрамасы 4 ұпаймен топтың бірінші орнында тұр. Бірінші турда қазақстандықтар сырт алаңда Албанияны 2:0 есебімен жеңсе, екінші турда Армениямен өз алаңында 4:4 есебімен тең түсті.