Мартинович «Қайратқа» қарсы ойынға қатыспайды - тікелей қызыл қағаздың салдары
«Қызылжар» қорғаушысы Илья Мартинович келесі турда командасына көмектесе алмайды
Футбол
Арсен Алиев
Редактор
ФОТО: fcqyzyljar инстаграм парақшасынан
«Қызылжар» командасының қорғаушысы Илья Мартинович келесі турда «Қайратқа» қарсы матчқа қатыспайды, деп хабарлайды Sports24.kz.
Футболшы өткен турда, «Ақтөбемен» болған кездесудің 42-минутында тікелей қызыл қағаз алған болатын. Ол ойын сәттерінің бірінде қарсылас Жайро Жанға дөрекі ойнағаны үшін алаңнан қуылды.
Бұл кездесуде петропавлдық клуб өз алаңында 1:1 есебімен тең түсті. Ал «Қайратпен» болатын матч 21 маусым күні Алматыда өтеді.
Мартинович маусым басында «Қызылжар» сапына қосылған. Қорғаушы жаңа клубында 12 матч өткізіп, бір голмен көзге түсті.
