Мартин ҚПЛ-дегі «Ордабасының» ірі жеңісінен кейінгі алаңдаушылығы туралы айтты
«Ордабасының» бас бапкері Андрей Мартин «Қайсарды» (4:1) жеңгеннен кейін пікір білдірді, деп хабарлайды Sports.kz.
Чемпионат көшбасшысының бапкері ұлттық құрамалар ойындарына байланысты болған ұзақ халықаралық үзіліске қатты алаңдағанын атап өтті.
«Бүгінгі ойынға қарап, екі қарсыласқа да ұпай қажет болғанын айтуға болады. Барлығына ұпай ауадай қажет еді. «Қайсар» өз ұпайы үшін күресіп, міндеттерін шешіп жатыр — төменгі бөлікте жағдай өте қиын, бәсеке өте тығыз. Сондықтан басынан-ақ оңай болмайтынын түсіндік — қарсылас аянып қалмайтыны анық еді. Тиісінше, бізге жоғарғы орында өзімізді жайлы сезіну үшін, өз кестемізге сай ұпай қажет, біз үшін әр матч өте маңызды.
Үш апталық үзіліске байланысты қатты алаңдадық, өйткені ешкім чемпионаттағы мұндай ұзақ үзіліске бұрыннан бері тап болған жоқ. Бапкерлердің бәрі бірдей риза емес шығар — әсіресе біздегідей құрамында алты-жеті ойыншысы ұлттық құрамада болғандар. Бұл қиын. Бірақ ең бастысы — жігіттер жауынгерлік қасиеті мен мінезін көрсетті, маңызды үш ұпайды жұлып алды. Ойыншыларымыз бен клубты жеңіспен құттықтаймын», — деп Мартиннің сөзін Sports.kz келтіреді.
ҚПЛ-дағы кезекті турдан кейін «Ордабасы» «Қайраттан» әлі де төрт ұпайға озып тұр. «Қайсар» 24 ұпаймен турнир кестесінің соңынан екінші орында және элитадағы орнын сақтап қалу үшін жанкешті күресін жалғастыруда.
ҚПЛ маусымының аяқталуына үш тур қалды. 17 қазанда Мартин командасы «Ақтөбеге» қарсы ойнайды.
