Мартин «Оқжетпес» командасын 7:1 есебімен жеңгеннен кейін: Жанкүйерлер маусым бойы күткенін ақыры алды
«Ордабасы» командасының бас бапкері Андрей Мартин Қазақстан Премьер-лигасының 25-турындағы «Оқжетпеске» қарсы өткен жарқын жеңісінен кейінгі әсерлерімен бөлісті (7:1), деп хабарлайды клубтың баспасөз қызметі.
«Біз осы маусымда жанкүйерлеріміздің алдында қарызымыз бар екенін түсіндік. Маусым оңай болған жоқ — финалға дейін жеттік, бірақ кубокты ала алмадық. Дегенмен, жігіттердің жанкештілігі мен ойын сапасына ешқандай өкпем жоқ. «Ордабасы» үнемі көшбасшылар қатарында болды, тек сәттілік әрдайым біз жағымызда бола бермеді. Бүгін, құдайға шүкір, жанкүйерлерге нағыз мереке сыйлай алдық. Ойлаймын, бұл жеңіс олардың есінде ұзақ сақталады — көктемге дейін», — деді Мартин.
Бапкер әсіресе, соңғы үй кездесуінде ойыншылардың көп гол соғып, әдемі футбол көрсеткеніне қуанышты екенін атап өтті.
«Жанкүйерлер команда отты ойын көрсетіп, көп гол соққанын жақсы көреді. Бүгін бәрі тамаша өтті, жігіттердің маусымды осылай аяқтағанына мақтанамын», — деп қосты бапкер.
Осы сенімді жеңістен кейін «Ордабасы» 34 ұпай жинап, ҚПЛ турнирлік кестесінде жетінші орынға көтерілді. Ал «Оқжетпес» 32 ұпаймен сегізінші сатыда тұр.
Сондай-ақ Бабаян Сейсен мен Вороговскийдің жоқ болу себептері туралы айтып өтті.
