Луис Суарес клубтық әлем чемпионаты туралы: Үміт өте жоғары
Футбол
Нұрбақыт Қадырбаев
Редактор
ФОТО: Getty Images
«Интер Майами» командасының шабуылшысы Луис Суарес 15 маусымға қараған түні мысырлық «Әл-Ахлиге» қарсы ойында басталатын клубтық әлем чемпионаты туралы өз ойымен бөлісті.
«Турнирдің қандай болатынына байланысты, жарысқа түсетін командалардың арқасында, оған деген үміт өте жоғары. Бірақ біз үшін ең бастысы - сабырлы болып, бізге берілген керемет мүмкіндікті тиімді пайдалану. Көпшілік біздің команданы тамашалайды.
Біз қолда бар құралдармен бар күшімізді салып, оң нәтижеге жетуге тырысамыз», - деді Суарес.
«Интер Майами» А тобын мысырлық «Әл-Ахли», бразилиялық «Палмейрас» және португалиялық «Порту» командаларымен бөліседі. Клубтың жаттықтырушылар штабы бұған дейін турнирге қатысуға өтінім жариялаған болатын.
