«Интер Майами» Клубтар арасындағы әлем чемпионатына қатысатын құрамын жариялады: Месси мен Суарес команданы жаңа жүлдеге жетелуге дайын
АҚШ-тың «Интер Майами» футбол клубы 2025 жылы 15 маусым мен 13 шілде аралығында өтетін Клубтар арасындағы әлем чемпионатына қатысатын ресми құрамын жариялады. Турнирдің ашылу матчында команда Мысырдың әйгілі «Әл-Ахли» клубымен кездеседі.
Топтық кезеңде МЛС өкілі тағы екі мықты қарсыласпен - Португалияның «Порту» және Бразилияның «Палмейрас» клубтарымен сынға түседі. Биылғы чемпионат тарихта алғаш рет 32 команданың қатысуымен өтпек. Командалар сегіз топқа бөлінеді, әр топтан алғашқы екі орын иегерлері плей-офф кезеңіне жолдама алады.
«Интер Майамидің» қатарына әлемдік деңгейдегі жұлдыздар мен болашағынан үміт күттіретін жастар енді:
Қақпашылар:
Дрейк Кэллэндер, Рокко Риос Ново, Оскар Устари, Уильям Ярбро.
Қорғаушылар:
Жорди Альба, Ноа Аллен, Томас Авилес, Исраэль Ботрайт, Максимилиано Фалькон, Йен Фрэй, Гонсало Лухан, Тайлер Холл, Давид Мартинес, Райан Сэйлор, Марсело Вейгандт.
Жартылай қорғаушылар:
Янник Брайт, Серхио Бускетс, Бенха Кремаски, Сантьяго Моралес, Федерико Редондо, Бальтасар Родригес, Давид Руис, Теласко Сеговия.
Шабуылшылар:
Лео Афонсо, Тадео Альенде, Лионель Месси, Альен Обандо, Фафа Пико, Луис Суарес.
Құрамның басты жұлдызы - аргентиналық Лионель Месси. Ол қазіргі уақытта МЛС маусымының ең үздік ойыншысы атанып отыр.
