Үлкен қайта құру. «Манчестер Юнайтед» жазда жартылай қорғаушыларын толық жаңартуға дайын
«Манчестер Юнайтед» басшылығына жанкүйерлердің ұзақ уақыт бойы негізгі жартылай қорғау шебін сапалы күшейтпегені үшін үлкен сын айтылып келеді. Енді 2026 жылдың жазында командаға жаңа ойыншылар жеткілікті келетін секілді.
Daily Mail-дің мәліметінше, дәл сол кезде «қызыл шайтандар» Бруну Фернандешті, Каземироны, Кобби Мейну мен Мануэль Угартені – жартылай қорғау шебіндегі негізгі футболшылардың барлығын дерлік босатуға дайын. Алайда, «Олд Траффордта» мұндай түбегейлі қадамға бара ма, жоқ па – әзірге белгісіз.
Жартылай қорғау шебін кезең-кезеңімен жаңарту қыста жүзеге аса қоймайды. Қаңтардағы трансферлік терезеде дүрбелең сатып алулар болмайды, «Манчестер Юнайтед» ойыншыны тек шұғыл, кейінге қалдыруға болмайтын келісім болған жағдайда ғана алады.
Рубен Аморим мен сэр Джим Рэтклиффтің назарында жүрген ойыншылар аз емес, дегенмен соңғы мәліметтерге сәйкес, «Олд Траффордта» жартылай қорғаушыны сатып алуда үнемдеуді қалайды. Рас, ол кезде бір ғана ойыншы керек болса, енді олардың қатары кем дегенде екі есеге артады.
