«Ливерпуль» Англияда Салахқа ұзақмерзімді алмастырғыш тапты
«Ливерпуль» командасының көпжылдық көшбасшысы Мохамед Салахқа ұзақмерзімді алмастырғыш іздеп жүр. Мерсисайдтық клуб бұл ойыншыны Англиядан тапты.
The i Paper Sport дерегі бойынша, «Борнмуттың» вингері Антуан Семеньо «қызылдардың» скауттарының назарына іліккен.
Хабарланғандай, мерсисайдтықтар ганалық футболшыны қыста-ақ өз қатарына қосуға талпынып көруі мүмкін. Бұл келісімді жеңілдететін жайт — «шие» клубымен жасасқан келісімшартында арнайы өтемақы сомасы көрсетілген, сол арқылы «Борнмутпен» келіссөз жүргізбей-ақ ойыншыны сатып алуға болады.
Ағымдағы маусымда 25 жастағы вингер клуб деңгейінде тоғыз матч өткізіп, алты гол мен үш нәтижелі пасымен көзге түсті.
Айта кетейік, бұған дейін аңызға айналған Уэйн Руни Салахтың «Ливерпульдегі» болашағына қатысты батыл болжам жасаған болатын.
