Ла Лига президенті «Манчестер Ситиді» алаяқтық жасады деп айыптады
«Манчестер Сити» қаржылық фэйр-плейді бұзған 115 жағдай бойынша шешімді әлі естімегенімен, Ла Лига президенті Хавьер Тебас тек «қалалықтар» ғана емес, сондай-ақ Францияның ПСЖ клубы туралы да қорытынды жасап үлгерді.
Испания элиталық лигасының басшысы жаңа иелерге қарамастан, «Манчестер Сити» он жыл бойы «ақша жоғалтып, алаяқтықпен айналысып келеді» деп мәлімдеді, әрі мұндай жағдайлар ағылшын футболын қарызға батырып отыр деп санайды. Дәл осындай жағдай ПСЖ-ға да тән, ол жеті жыл қатарынан 200 миллион еуро шығын жариялап келеді.
Тебастың айтуынша, испан футболында мұндай ахуал жоқ, себебі қатаң қаржылық фэйр-плей ережелері клубтарға қарыздарының басым бөлігін жабуға мүмкіндік берді.
Бұған дейін хабарланғандай, «Манчестер Сити» қаржылық фэйр-плейді бұзған 115 жағдай бойынша істі «жабу» үшін орасан зор қаражат жұмсағаны белгілі болды.
