Квинси Промес Дубайда қамауға алынды. Ойыншы жеті жылдан астам бас бостандығынан айырылуы мүмкін
Футбол
Нұрбақыт Қадырбаев
Редактор
ФОТО: Getty Images
Даулы футболшы Квинси Промес Нидерландқа экстрадициялау туралы өтінішке байланысты Дубайда (БАӘ) қамауға алынды.
Ойыншының адвокаты қамауға алынғанын растады, ол қазір тергеу изоляторында. Ұстау 12 маусымға қараған түні Проместің үйінде болған - ол Нидерландқа экстрадициялауға байланысты екені хабарланды. Бұл ақпарат расталса, «Аякс», «Севилья» және «Спартак» клубтарының бұрынғы ойыншысы әскери полицияның бақылауымен өз еліне жіберіледі.
Өз елінде ол есірткі контрабандасын ұйымдастырғаны және туысқан ағасына шабуыл жасағаны үшін жеті жылдан астам бас бостандығынан айырылуы мүмкін.
Промес қазір дубайлық «Юнайтедте» ойнайды. Бұған дейін футболшының исламды қабылдағаны хабарланған болатын.