Күтпеген жағдай. Чемпиондар лигасында «Арсеналдың» қарсыласы матчқа екі күн қалғанда бапкерінен айырылды
«Брюгге» жаңа бапкеріне дебюттік ойында оңай соқпайды
Футбол
Жантөре Қайсаров
Редактор
ФОТО: Getty Images
10 желтоқсанда Чемпиондар лигасы аясында «Брюгге» Лондонның «Арсеналын» қабылдайды. Бельгиялық клубтың басшылығы осы матчтың қарсаңында батыл қадамға барды.
«Брюггенің» бұрынғы бас бапкері Ники Хейен ойынға екі күн қалғанда қызметінен кетті. Отставка себептері жарияланған жоқ, бірақ клуб бұрынғы бапкеріне болашағына сәттілік тіледі.
Оның орнына «Генттің» қазіргі бас бапкері Иван Леко келеді, ал ауысу шарттары туралы ақпарат берілген жоқ. Осы маусымдағы Чемпиондар лигасында «Брюгге» бір жеңіс пен бір тең ойынға қол жеткізіп, соңғы екі сырт алаңдағы кездесуде жалпы есеппен 0:7 есебімен жеңілді.
Өз кезегінде, «Арсенал» да Бельгияға аттанар алдында ішкі аренада жеңіліске ұшырады, «Астон Виллаға» 1:2 есебімен жол берді.
