Кенжебек бірнеше клуб арасынан таңдады — ойыншының өкілі «Ақтөбенің» қызығушылығын растады
Футболшының агенті неге «Елімайды» таңдағандарын түсіндірді
Футбол
Әлім Динасылов
Редактор
ФОТО: ҚФФ
Ғалымжан Кенжебектің өкілі Мамука Ломидзе жартылай қорғаушыға Қазақстанда бірнеше клуб қызығушылық танытқанын растады. Олардың қатарында «Ақтөбе» де болған. Бірақ шешуші фактор ретінде «Елімай» бапкерінің ынтасы аталды, деп хабарлайды BorodAbata.kz.
«Жалпы, Қазақстанда бірнеше нұсқа болды, соның ішінде — «Ақтөбе» де. Біз расында келіссөз жүргіздік, бірақ Карповичтің құлшынысы басты рөл атқарды. Тағы да ұсыныстар болды, бірақ біз «Елімайды» таңдадық», — деді Ломидзе.
Еске салайық, 22 жастағы Кенжебек бұған дейін Словакияның «Кошице» клубында ойнаған. Шілде айында ол «Елімаймен» келісімшартқа отырып, қазір жаңа клуб сапында ойнап жүр.
Қазақстанға оралу – артқа қадам емес. Кенжебектің агенті не себепті «Елімайды» таңдағанын айтты
