«Кейн – Англия тарихындағы ең үздік ойыншы» – «Ливерпуль» аңызы Стивен Джеррард
«Ливерпульдің» атақты экс-капитаны Стивен Джеррард «Бавария» шабуылшысы Гарри Кейннің ойынына таңданысын білдірді, деп хабарлайды Sports24.kz.
Мюнхендік алпауыттың шабуыл шебінің көшбасшысы Лондонның «Арсеналына» қарсы Чемпиондар лигасы матчында пенальтиден гол соғып, нәтижелі пас берді. Кездесу тең есеппен аяқталды (2:2).
«Кейн, мүмкін, Англия тарихындағы ең үздік ойыншы шығар. Англияның барлық уақыттағы ұлы футболшылары туралы сөз болғанда, оның есімі міндетті түрде аталуы керек», – деді Джеррард TNT Sports эфирінде.
«Арсеналдың» жартылай қорғаушысы Деклан Райс та осындай пікірде. Ол «Бавария» шабуылшысының статистикасы бәрін айтып тұрғанын жеткізді.
«Ол сөзсіз жеңіске жетуі керек. Оның статистикасы бәрін айтып тұр, ал өткізген жылы керемет болды. Онымен бір командада ойнағанда, оның қаншалықты мықты екенін түсінесің, ал қарсылас атанғанда, онымен күресудің қаншалықты қиын екенін көресің. Ол жай ғана керемет, аса дарынды ойыншы. Онымен бір командада ойнағаным үшін жолым болды, бірақ оған қарсы ойнауға тура келгенде жолым бола бермейді», - деді Райс.
«Бавария» – «Арсенал» матчының үздік ойыншысы атағы да Кейнге бұйырды. Дүйсенбі күні 33 жастағы шабуылшы «Алтын доп» жүлдесін алуы мүмкін.
