Интер Майами - Хьюстон Динамо - 4:1. . Мессисіз, бірақ Суарестен 1+3. Голдар және матчқа бейнешолу
"Интер Майами" жаңа МЛС маусымындағы алғашқы жеңісіне қол жеткізіп, "Хьюстон Динамо" командасын 4:1 есебімен ойсырата ұтты.
Ойынның басты кейіпкері Луис Суарес болды – ол бір гол соғып, үш нәтижелі пас берді. Команда бұл кездесуде Лионель Мессисіз өнер көрсетті, өйткені бапкерлер штабы оған қарқынды ойын кестесінен кейін қосымша демалыс беруді жөн көрді.
Тэласко Сеговия дубль авторы атанса, Тадео Альенде МЛС-тің тұрақты маусымындағы алғашқы голын соқты. Суарес алғашқы үш голға пас беріп, 79-минутта қорғанысты жарып өтіп, өзі де мергендігімен көзге түсті.
Бас бапкер Хавьер Маскерано Суарестің үлкен тәжірибесін ерекше атап өтіп, оны соңғы он жылдағы ең үздік орталық шабуылшылардың бірі деп бағалады. Оның айтуынша, үздік клубтарда ойнаған форвард әлі де команда ойынына айтарлықтай ықпал етуде.
Маусымды екі жеңіліспен бастаған "Хьюстон" әлі де ұпайсыз қалса, "Интер Майами" екі матчта төрт ұпай жинады. Келесі ойында клуб КОНКАКАФ чемпиондар лигасының 1/8 финалына қатысады.
Матчқа бейнешолу:
