Илья Шкурин «Ақтөбемен» болған ойынды Польша Суперкубогының матчымен салыстырды

Поляк шабуылшысы қазақстандық клубпен болған кездесудің жауапкершілігі жоғары болғанын айтты

Футбол 14 шіл 2025 23:40

Әлім Динасылов

Редактор

Польша Суперкубогында «Лех» клубын жеңгеннен кейін варшавалық «Легияның» шабуылшысы Илья Шкурин Еуропа лигасындағы «Ақтөбеге» қарсы өткен ойынды еске алды. Бұл туралы Legionisci.com хабарлады.

«Бізде маңызы жоғары екі ойын болды. «Ақтөбемен» болған матчпен салыстырғанда бүгін не өзгергенін айту қиын. Қазақстандықтармен болған кездесу қиын өтті, нәтижеге деген жауапкершілік көбірек болды. Польша чемпионына қарсы қонақта ойнау да оңай болмайтыны анық. Ең бастысы — жақсы нәтиже көрсетуді жалғастыру», — деді Шкурин.

Айта кетейік, алғашқы ойын 10 шілдеден 11-іне қараған түні Варшавада өтіп, 1:0 есебімен «Легияның» пайдасына аяқталған. Жауапты кездесу 17 шілдеде Ақтөбеде өтеді.

Бәрі Қазақстанда шешіледі. «Легия» – «Ақтөбе» матчының шолуы.