«Хартс» бапкері Чесноковқа үміт артып отыр
Шілде айында «Тоболдың» вингері Ислам Чесноков шотландиялық «Хартс» клубына ауысуға келісім берді. Шотландия чемпионатының сенсациялық көшбасшысы Дерек Макиннес жаңа ойыншыға қазірдің өзінде сенім білдіріп отыр.
Кадрлық жағдайды талқылау барысында Макиннес Чесноковты да еске алды, алайда келісімшарт күшіне енуі үшін әлі үш ай күту керек. Вингердің «Тоболмен» келісімшарты қазан айының соңында аяқталатынына қарамастан, ол ФИФА ережелеріне сәйкес трансферлік терезе ашылғанға дейін шотландиялық клубқа өте алмайды,
«Агеу, мүмкін, «Килмарнокқа» қарсы ойынға оралады. Бізде «Селтикке» қарсы ойында қайта сапқа қосылатын Фрэнки Кент болады, ал қаңтарда бізге Чесноков қосылады. Құрамда күш те, қуат та көбейіп жатыр, сондықтан ойымша, жаңа ойыншылар мен жарақаттан оралғандар арқылы командамызды күшейте аламыз», – деді Маккиннес баспасөз мәслихатында.
