Гирасси дубль жасап, «Боруссияны» КӘЧ ширек финалына шығарды
Неміс клубы плей-оффты жеңіспен бастап, енді «Реалмен» кездеседі
Футбол
Әлім Динасылов
Редактор
ФОТО: Getty Images
Клубтық әлем чемпионатының 1/8 финалында дортмундтық «Боруссия» мексикалық «Монтеррейді» 2:1 есебімен жеңіп, жарысты жалғастыру құқығына ие болды.
Кездесудің басты қаһарманы — Сериу Гирасси. Шабуылшы алғашқы таймда екі рет мергендік танытты — 14 және 24 минуттарда допты қақпаға дәл бағыттады. «Монтеррей» екінші таймда бір голмен жауап бергенімен, немістер жеңісті уысынан шығармады.
КӘЧ. 1/8 финал
«Боруссия» Дортмунд — «Монтеррей» — 2:1 (2:0)
Голдар: Гирасси, 14, 24 — Бертераме, 48
Ширек финалда дортмундтықтар мадридтік «Реалмен» кездеседі. Айта кетейік, испандық клуб бір күн бұрын «Ювентусты» 1:0 есебімен жеңіп, келесі кезеңге жолдама алған. Ойын 6 шілде күні таңғы уақытта өтеді.
