Германия әлем чемпионатын өткізу құқығы үшін таласады: мұнда бір қулық бар
Футболдан әлем чемпионаты соңғы рет Германияда 2006 жылы өткен еді, бірақ Германия футбол одағы мундиальді елге қайта әкелуді көздейді, деп хабарлайды Sports24.kz.
Bild дерегінше, ұйым 2038 немесе 2042 жылғы әлем чемпионатын өткізуге өтінім дайындауын бастап кетті. Қала-қабылдаушы ретінде Берлин, Лейпциг, Гамбург, Ганновер, Бремен, Дюссельдорф, Кёльн, Гельзенкирхен, Дортмунд, Франкфурт, Кайзерслаутерн, Менхенгладбах, Мюнхен және Штутгарт қарастырылып отыр.
НФО мұндай өтінім арқылы 2006 жылдан бері ескіріп қалған футбол инфрақұрылымын жаңартуға себеп болады деп есептейді. Қазіргі стадиондар ағылшын ареналарынан айтарлықтай қалып қойған, ал неміс шенеуніктері дәл соларға қарап бой түзейді. 2030 жылғы әлем чемпионаты негізінен Испания, Португалия және Мароккода өтетін болғандықтан, НФО Еуропаға турнирді қабылдау құқығы тек 2042 жылы беріледі деп болжайды.
Сонымен қатар, Германия Олимпиада комитеті 2036, 2040 немесе 2044 жылдары Олимпиада ойындарын өткізуге таласуға ниетті болса да, НФО бұдан әлем чемпионатын өткізуге ешқандай кедергі жоқ деп санайды. Бұған дәлел ретінде олар Бразилияны мысалға келтіреді: бұл ел 2014 жылғы әлем чемпионатынан кейін небәрі екі жылдан соң, 2016 жылы Жазғы Олимпиаданы қабылдаған еді.
