Футболшыларды қойып, менеджерларға көшті: ПСЖ директорына 200 миллион евроға ұсыныс түсті
Луис Кампуш, "ПСЖ" клубының спорттық кеңесшісі, Сауд Арабиясынан 10 жылға 200 миллион еуро (жылына 20 миллион еуро) көлемінде ұсыныс алды.
Бұл ұсыныс Сауд Арабиясының ұлттық құрамасын ұйымдастыру және құрылымдауға байланысты, мақсат – 2034 жылғы әлем чемпионатының жартылай финалына шығу. Кампуш Саудия футбол федерациясының президенті мен спорт министрімен тығыз жұмыс істеуге тиіс.
Дегенмен, Кампуш бұл ұсынысты әлі қабылдаған жоқ, себебі ол "ПСЖ"-да жұмыс істегенді жөн көреді. Клубтың президенті Нассер әл-Хелаифи Кампушпен келісімшартты ұзартуға ниет білдірді, оның клуб үшін атқарған жұмысына жоғары баға беріп, бапкермен арадағы жақсы ынтымақтастықты атап өтті. Бірақ нақты ұсыныс әлі жасалған жоқ.
Кампуш 2025 жылдың 31 желтоқсанына дейін шешім қабылдауы қажет. Қазіргі таңда "ПСЖ"-мен келіссөздер нақты нәтижеге әкелмегендіктен, оның клубтағы болашағы белгісіз. Сауд Арабиясынан бөлек, оны "Арсенал" мен "Челси" клубтары да қызықтырған.
Сонымен қатар, "ПСЖ" Андреа Бертамен байланысқа шықты. Ол "Атлетико Мадридтің" бұрынғы спорттық директоры, 2025 жылдың басынан бері еркін агент.
Алдын біз: Ресми есеп бойынша УЕФА тарихындағы ең қымбат футбол клубы белгілі болғанын хабарлаған едік
