Футболшылардың кетуі жалғаса ма? \"Астана\" КПЛ-дің үздік сұрмергенін сатуға дайын
Шабуылшы жартылай қорғаушы Назми Грипши мансабын MLS-те жалғастыруы мүмкін
Футбол
Данияр Қайратов
Редактор
ФОТО: «Астана»
"Астана" өткен маусымдағы КПЛ-дің үздік сұрмергені Назми Грипшиді сатуға дайын, деп хабарлайды ASnews.kz.
Албандық футболшыға АҚШ-тың MLS лигасындағы клубтардың бірі қызығушылық танытып, "Астанадан" оның трансферін сатып алуға әзір екені айтылуда.
Грипшидің Қазақстанның вице-чемпионымен келісімшарты келесі жазға дейін жарамды. Аяқталған маусымда 28 жастағы футболшы 26 ойында алаңға шығып, 16 гол соқты және жеті нәтижелі пас берді.
Жақында "Астананың" тағы бір жетекші легионері клубтан кеткені және мансабын Еуропада жалғастыратыны белгілі болды.
