Футбол тарихындағы рекордтық трансфер. «ПСЖ» Ямаль үшін ессіз сома ұсынуға дайын
«Барселона» мен Испания құрамасының жұлдызы Ламин Ямаль – француздық «ПСЖ» клубының басты арманы.
Fichajes-тің хабарлауынша, «ПСЖ» Ламинді ғасырдың трансфері ретінде қарастырып отыр, ал «Барселонада» бұл келісім мүлдем талқылауға жатпайтын тақырып. Париждік клуб испаниялық вундеркинд үшін 350 миллион еуродан асатын рекордтық ұсыныс жасауға әзір екені айтылуда.
Франция астанасында «Барселона» мен жас жұлдыздың арасындағы байланыстың үзілуі тек символикалық қана емес, спорттық тұрғыдан да үлкен соққы болатынына сенімді. Дегенмен, каталондық клуб өз жұлдызын ешқандай ақшаға сатуға ниетті емес.
Алайда, соңғы шешім тек Ямалдың өзіне байланысты болмақ.
Осы маусымда испандық футболшы клубтық деңгейде барлық турнирлерде жеті матчқа қатысып, үш гол мен бес нәтижелі пас берген.
Бұған дейін «Реал» ойыншылары Ямалдың Эль-Класико алдындағы мәлімдемелеріне наразы болғаны хабарланған.
