Флик «Жиронамен» матчта аластатылды және Эль-Класиконы өткізіп алады
Бапкер эмоциясын ұстай алмай, командасын маңызды кездесудің алдында қиын жағдайға қалдырды
Футбол
Данияр Қайратов
Редактор
ФОТО: Getty Images
«Барселона» бас бапкері Ханси Флик «Жиронаға» қарсы матчта эмоциясын шектен тыс көрсеткені үшін аластатылды.
Каталониялық ұжымның басшысы негізгі 90 минутқа қосылған уақытқа тым қатты наразылық танытып, төреші тарапынан аластатылды.
Осылайша, Флик мадридтік «Реалға» қарсы аса маңызды кездесудің алдында командасын қиын жағдайда қалдырды – Эль-Класикода ол алаң жиегінде блаугранаға басшылық ете алмайды.
«Барселона» компенсациялық уақытта Рональд Араухоның голының арқасында «Жиронадан» жеңісті жұлып алды.
Ең басты қарсыласымен «Барса» келесі жексенбі, 26 қазанда кездеседі.
