«Елімай» енді Конференциялар лигасының матчтарын Семейде қабылдай алады
«Елімай» футбол клубы Конференциялар лигасының өз алаңындағы матчтарын Семейде өткізуге толық дайын. Бұл туралы клуб басшылығы мәлімдеді.
Семейлік команда өткен маусымда Қазақстан премьер-лигасында 48 ұпай жинап, турнир кестесінде төртінші орынға тұрақтап, еліміздің еурокубоктардағы соңғы өкілі атанды.
«Елімай» ФК директорлар кеңесінің мүшесі Асқар Оранхаевтың айтуынша, УЕФА талаптарына сай болу үшін Семейде «Пана» қонақүйінің ашылуы маңызды қадам болды.
«“Пана” қонақүйінің ашылуы – Абай облысының бүкіл футбол қауымдастығы үшін үлкен жаңалық. Биыл “Елімай” Конференциялар лигасына жолдама жеңіп алды, енді бізге тек Қазақстан премьер-лигасының клубтары мен жанкүйерлері ғана емес, еуропалық командалар да келеді», — деп атап өтті Оранхаев.
Жаңа қонақүйдің ерекшелігі – оның тарихи ғимаратта, өңір тұрғындарына жақсы таныс бұрынғы Мусиндер диірменінде орналасқандығы. Дәл осындай, қаланың рәміздік нысандарында туристік инфрақұрылымды дамыту тәсілі Еуропада кеңінен таралған.
Қонақүй 90 орынға есептелген және клуб басшылығының айтуынша, «Елімай» ФК-ның еурокубоктағы өз алаңындағы ойындарын өткізуге қажетті барлық сертификаттау талаптарына толық сәйкес келеді.
