Данил Цой «Атырауды» күшейтуі мүмкін: «Тоболдың» бұрынғы ойыншысы кәсіби футболға оралуда
Футболшы Данил Цой «Атырау» клубына ауысуға жақын, деп хабарлайды BorodAbata.kz.
29 жастағы қорғаушы соңғы уақытта медиафутболда ойнап, «SD Family» және «Впорядке Крап-Тим» командаларының намысын қорғаған.
Костанай қаласының тумасы бұған дейін Қазақстанның бірнеше клубында өнер көрсеткен. Олардың қатарында «Тобол» дублі, сондай-ақ «Булат», «Қайсар», «Оқжетпес», «Қызылжар», «Тараз» және басқа да ұжымдар бар. Ол Бірінші лига жеңімпазы атанып, тағы бір командамен бірге осы дивизионда күміс медаль еншілеген.
Қазіргі таңда «Атырау» Қазақстан Премьер-лигасының турнирлік кестесінде соңғы - 14-орында тұр. Команданың еншісінде 12 турдан кейін бар болғаны 4 ұпай ғана бар. Осы себепті клуб құрамды күшейтуді көздеп отыр, және тәжірибелі қорғаушының қайтып оралуы бұл тұрғыда маңызды қадам болуы мүмкін.
«Атырау» футбол клубы екі грузиялық легионермен келісімшартты бұзды.
