Чесноковтың пенальтиі «Тобылды» жеңілістен құтқарды
ҚПЛ14-тур аясында Қостанайда өткен матчта «Тобыл» мен «Жеңіс» командалары 2:2 есебімен тең түсті. Елорда клубы алғашқы таймда екі доп басымдығымен алға шыққанымен, алаң иелері шабуылдағы көшбасшыларының арқасында таразы басын теңестіре алды.
Қонақтар белсенді ойынды бірден бастады. 16-минутта Адилио есеп ашса, араға тағы 15 минут салып Адиль таблодағы көрсеткішті 0:2-ге жеткізді. Дегенмен, үзіліске дейін Николай Сигневич бір голдың есесін қайтарды.
Екінші таймда «Тобыл» шабуыл қарқынын үдетіп, 76-минутта Ислам Чесноков пенальтиді мүлтіксіз орындап, кездесудің қорытынды есебін белгіледі.
ҚПЛ – 2025. 14-тур
«Тобыл» – «Жеңіс» – 2:2 (1:2)
Голдар: Сигневич, 41 (1:2). Чесноков, 76 (пен.) (2:2) — Адилио, 16 (0:1). А. Адиль, 32 (0:2).
Бұл кездесуден кейін «Тобыл» 28 ұпаймен турнирлік кестеде төртінші орынға сырғыды, көшбасшы үштікке «Қайрат» пен «Ақтөбе» қайта оралды. Ал сырт алаңдағы тең нәтижесінің арқасында «Жеңіс» 14 ұпаймен сегізінші орынға көтерілді.
