Чесноковтың «Крылья Советов» сапында ойнайтыны белгілі болды
Қазақстан құрамасының футболшысы Ислам Чесноковтың Ресей кубогының жалпы жолындағы топтық кезеңнің үшінші турында «Балтикаға» қарсы «Крылья Советов» сапында ойнайтыны белгілі болды, деп хабарлайды Sports24.kz.
Қазақстан құрамасының футболшысы бүгінгі Ресей кубогы матчына қатыспайды. Ол тіпті ойынға өтінімге де енбеді. Исламның өтінімнен тыс қалу себебі хабарланған жоқ, алайда бұл футболшының жақында алған жарақатына байланысты болуы мүмкін.
Қазақстан құрамасының жартылай қорғаушысы өткен демалыс күндері Ресей Премьер-лигасының алтыншы турында «Крылья Советов» пен «Ахмат» арасындағы матчта жарақат алды.
Қазақстандық хавбек «Ахматқа» қарсы кездесуді қосалқы құрамда бастап, үзілістен кейін бірден алаңға шықты. Ислам ойынға белсенді араласқанымен, матчты соңына дейін өткізе алмады. 76-минутта футболшы өзін жайсыз сезініп, жаттықтырушылар штабына ойынды жалғастыра алмайтынын білдірді. Алаңнан кетіп бара жатқанда Чесноковтың ақсаңдап қалғаны анық байқалды. Оның орнына самаралық команда құрамында Томас Гальдамес пайда болды.
Еске салайық, Чесноков тамыз айында самаралық клубтың ойыншысы атанып, Қостанайдың «Тобыл» командасынан ауысқан болатын. Бұл — Исламның биылғы «Тобыл» мен «Хартстан» кейінгі үшінші клубы.
