Чемпиондар лигасында «Реал» мен «Интер»: тікелей трансляцияны қайдан көруге болады?
Бүгін, 8 қыркүйектен 9 қыркүйекке қараған түні Чемпиондар лигасының 2026/2027 жылғы маусымындағы жалпы кезеңнің 1-туры аясында мадридтік «Реал» мен миландық «Интер» кездеседі, деп хабарлайды Sports24.kz.
Матч Мадридтегі «Сантьяго Бернабеу» стадионында өтеді. Кездесудің бас төрешісі — Англиядан келген Майкл Оливер. Ойын Қазақстан уақытымен 00:00-де басталады. Матчты Qazsport телеарнасы тікелей эфирде көрсетеді.
Жалпы кезеңнің 2-туры аясында «Реал» 14 қазанда «Ромамен» кездессе, «Интер» 13 қазанда «Брюггеге» қарсы ойнайды.
Чемпиондар лигасының қазіргі жеңімпазы — «ПСЖ». Өткен маусымның финалында париждік клуб лондондық «Арсеналды» 1:1, пенальти сериясында 4:3 есебімен жеңді. «ПСЖ» бұған дейін де, 2024/2025 жылғы маусымда, Чемпиондар лигасында жеңіске жеткен.
