«Челси» бапкері «Барселонаны» жеңгеннен кейінгі киім ауыстыру бөлмесінде болған әңгіменің мән-жайын ашты
Лондондық «Челси» бас бапкері Энцо Мареска Чемпиондар лигасының топтық кезеңінің бесінші турында «Барселонаны» сенімді түрде 3:0 есебімен жеңгеннен кейін киім ауыстыру бөлмесінде ойыншыларға не айтқанын ашып айтты.
Маманның айтуынша, ол бірден ойыннан кейінгі қалпына келудің маңыздылығын атап өткен.
«Мен команданы қалпына келуге назар аударуға шақырдым – дәл қазір бұл ең басты сәт. Ал жұма күнінен бастап біз «Арсеналға» қарсы ойынға дайындалып, осы алған қарқынды сақтауға тырысуымыз керек. Мұндай жеңістерден кейін қалпына келу, әрине, оңайырақ», – деп келтіреді Маресканың сөзін Sky Sports.
Ағылшын Премьер-лигасының 13-турындағы келесі матчта «көкелер» Лондон дербиінде өз алаңында «Арсеналды» қабылдайды. Ал «Барселона» болса, Ла Лигадағы келесі кездесуін 29 қараша күні өз алаңында «Алавеспен» өткізеді.
Сондай-ақ Флик «Барселонаның» «Челсиге» қарсы матчтағы сәтсіздігінің себептерін түсіндірді.
