Қазақстан құрамасының футболшысы Наурызбек Жагоров «Астананың» назарын аударды
Футбол
Қайсар Дәулетбай
Редактор
ФОТО: KFF
«Тобыл» және Қазақстан құрамасының жартылай қорғаушысы Наурызбек Жагоров «Астананың» трансферлік басымдықтарына енді, деп хабарлайды BorodAbata.kz.
Жагоров «Тобылға» 2025 жылдың басында Атыраудан келіп, алаң орталығындағы маңызды тұлғаға айналды. Биылғы маусымда ол «Тобыл» сапында 13 матч өткізіп, екі нәтижелі пас берді.
Ағымдағы жылдың наурыз айында ол Лихтенштейнге қарсы ойында (2:0) қосалқы құрамда ойнап, Қазақстан құрамасы сапындағы дебютін өткізді.
Осыған дейін Қазақстан құрамасының шабуылшысы Айбар Жақсылықовтың қызылордалық «Қайсардан» кетуі мүмкін екенін хабарлаған болатын. Қолда бар мәліметтерге қарағанда, «Қайсар» қаржылық қиындықтарды бастан кешіруде, сондықтан клуб бірден бірнеше негізгі ойыншысынан айырылып қалу қаупі бар.
