Англия құрамасы ұлттық рекорд орнатты
Ресми матчтардағы 11-ші қатарынан жеңіс
Футбол
Данияр Қайратов
Редактор
ФОТО: Getty Images
K іріктеу тобының финалдық матчында Англия құрамасы Албанияны 2:0 есебімен тізе бүктірді, екі голды Харри Кейн соқты.
Бұл жеңіс ағылшын ұлттық құрамасы үшін ресми кездесулердегі 11-ші қатарынан жеңіске айналды. Бұл — «Үш Арыстанның» тарихындағы жаңа рекорд.
Айта кетейік, маусым айында Томас Тухельдің командасы Сенегалдан (1:3) жеңілген болатын, алайда бұл жолдастық кездесу еді.
Ағылшындар 2026 жылғы әлем чемпионатының іріктеуін 100 пайыздық нәтиже көрсеткішпен аяқтады: сегіз ойында сегіз жеңіс. Сонымен қатар, Томас Тухельдің командасы бірде-бір гол жіберген жоқ, доп айырмасы — 22:0.
Айта кетсек, Англия тек екінші еуропалық құрама болып, әлем чемпионатының іріктеу циклінде барлық ойында жеңіске жетіп, қақпасына бірде-бір гол жібермеген.
