Англия құрамасы 1987 жылдан бері жаңартылмаған өз рекордын жаңартты
Тамаша жетістік, оған қол жеткізу оңай емес
Футбол
Жантөре Қайсаров
Редактор
ФОТО: Getty Images
9 қазан күні Англия құрамасы жолдастық кездесуде Уэльсті қабылдады. Бұл матчта Томас Тухельдің шәкірттері керемет ойын үлгісін көрсетіп, дерлік қырық жыл бойы жаңартылмаған жетістікке қол жеткізді.
Айта кетерлігі, «үш арыстан» қарсыластарына алғашқы 20 минутта үш гол соқты. Мұндай оқиға соңғы рет 1987 жылдың қарашасында тіркелген еді. Ол кезде Англия сырт алаңда енді жоқ Югославия құрамасына қарсы ойнап, Белградтағы «Райко Митич» стадионында 4:1 есебімен жеңіске жеткен болатын.
Бұған дейін «үш арыстанның» бас бапкері команда шабуылының негізгі күші Харри Кейн жарақатына байланысты кездесуге қатыса алмайтынын, бірақ оның Латвияға қарсы іріктеу ойынына дейін қатарға оралуына үмітті екенін айтқан болатын.
