Ғалымжан Кенжебектің жаңа клубындағы жалақысы белгілі болды
Қазақстандық жартылай қорғаушы Ғалымжан Кенжебектің Грозныйдың «Ахмат» клубымен келісімшартының қаржылық шарттары белгілі болды, деп хабарлайды телеграм-арна AmanVIBE.
Журналист Елдар Аманбаевтың мәліметінше, биылғы жылдың үздік қазақстандық жартылай қорғаушысы Стасислав Черчесов жаттықтыратын клубпен жеке келісімшарттың барлық талаптарын келіскен. Алайда, келісімшарттың өзі әлі ресми түрде қол қойылған жоқ екені айтылады.
Дереккөздің хабарлауынша, «Ахматта» Кенжебек бұрынғы командасы — Семейдің «Елімайына» қарағанда бес есе көп жалақы алатын болады. Трансферлік мәселелерде түрлі сценарийлер болуы мүмкін болғанымен, жағдай аяқталуға жақын, ал футболшының Ресей Премьер-Лигасына ауысуы өте ықтимал болып отыр.
КПЛ-2025 маусымында Ғалымжан Кенжебек «Елімай» сапында 11 матч өткізіп, алты гол соғып, төрт нәтижелі пас берген еді. Осылайша ол командадағы негізгі ойыншылардың біріне айналды.
