Аңыз қош айтыспай ма? Серхио Рамос еуропалық футболға оралуға жақын
Қазіргі заманның ең атақты қорғаушыларының бірі Серхио Рамос еуропалық футбол ареналарына қайта оралуы мүмкін.
Actu Foot мәліметінше, 39 жастағы испандыққа Францияның «Ницца» клубы қызығушылық танытып, ойыншының өкілдерімен келіссөздерді бастап кетті.
Басылым дерегіне сәйкес, Лига 1 клубының басшылығы тәжірибелі орталық қорғаушымен келісімшартқа қол қою нұсқасын қарастырып, бұл бағытта өте сенімді әрекет етуде. Ал Рамос болса, Еуропаға оралуға ынталы әрі кәсіби мансабын жоғары деңгейде жалғастырғысы келетінін жасырмайды.
Мадридтік «Реалдың» бұрынғы қорғаушысының соңғы клубы - Мексиканың «Монтеррей» ұжымы болатын, ол бұл командадан желтоқсан айының басында кеткен еді. Енді испандық аңыздың мансабында жаңа тарау ашылуы мүмкін - бұл жолда «Ницца» шешуші рөл ойнауға дайын.
Сондай-ақ Рамос Еуропаның жеті лигасынан ұсыныстарды қарастыруға дайын.
