Амбициялы. Рамос Еуропаның жеті лигасынан ұсыныстарды қарастыруға дайын
Ол әлі де қарқынын бәсеңдетуге дайын емес және элиталық чемпионатта ойнағысы келеді
Футбол
Жантөре Қайсаров
Редактор
ФОТО: Getty Images
Испаниялық қорғаушы Серхио Рамос Мексиканың «Монтеррей» клубынан кетті және қазір жаңа команда іздеуде. Еуропа және әлем чемпионының жаңа клубқа қоятын талаптары аса қатаң емес.
As басылымының хабарлауынша, Рамос үшін басты шарт – үміткер клуб жоғары лигада ойнауы керек және бұл Англия, Испания, Германия, Франция, Италия, Португалия немесе Түркия елдерінің бірі болуы тиіс.
Ол бұл елдерден келетін кез келген ұсынысты қарастырады және таңдауға аса қатал қарамайды. Сауд Арабиясы немесе АҚШ клубтары қызықтырмайды, өйткені Рамос мансабын Еуропада жалғастыруға ниетті.
Испаниялық ойыншы ұлттық құрамаға қайта оралуды және әлем чемпионатына қатысуды көздейді, сондықтан ол мансабын мықты чемпионатта жалғастырғысы келеді.