«Ахмат» Самородовсыз «Локомотивке» екі минутта екі рет гол жіберіп, Кубоктан шығып қалды
15 сәуірде Ресей Кубогының ширек финалдық ойыны өтті, онда мәскеулік «Локомотив» өз алаңында грозныйлық «Ахматты» қабылдады.
Ойын қонақтардың жылдам голымен басталды. 8-минутта «Ахматтың» парагвайлық шабуылшысы есеп ашты. Бірақ бірінші тайм «теміржолшылардың» басымдығымен өтті. Олар 44-ші және 45-ші минуттарда гол соғып, екі минуттың ішінде алға шықты. Екінші таймда есеп өзгермей, грозныйлықтар турнирдегі ойынын аяқтады.
Қазақстан құрамасының шабуылшысы Максим Самородов кубок матчында қосалқы құрамда қалып, алаңға шықпады. Бұған дейін ол «Ростовқа» қарсы ойында (2:1) жеңіс голын соғып, клуб рекордын қайталауға септігін тигізген болатын.
Ресей Кубогы. ¼ финал. 15 сәуір
«Локомотив» – «Ахмат» – 2:1
Голдар: Воробьев, 44, Погостнов, 45 - Руис Диас, 8.
