14 күнде 5 ойын. Барселонаның халықаралық үзілістен кейінгі қиын кестесі

Футбол 18 нау 2025 16:37

Нұрбақыт Қадырбаев

Редактор

“Барселона” маусымның осы кезеңінде мінсіз формада болды және халықаралық үзіліске жеңіліссіз шықты. Каталондықтар Испания чемпионатында артық бір ойынмен көш бастап келеді, ал Чемпиондар лигасында португалиялық “Бенфиканы” жеңіп, ширек финалға сенімді түрде шықты.

Бірақ халықаралық үзілістен кейін бәрі өзгеруі мүмкін – команда 14 күнде 5 матч өткізеді. Біріншіден, “Осасунамен” кейінге қалдырылған ойын 27 наурызға, ал “Жиронаға” қарсы каталондық дерби 30 наурызға жоспарланған. Сәуір айының бірінші ойыны 2-де өтеді - “Барселона” Испания кубогының жартылай финалындағы қарымта ойынды “Атлетикоға” қарсы өткізеді. 3 күннен кейін “блаугранас” өз алаңында қарқын алған “Бетисті” қабылдайды. Ал Чемпиондар лигасының ширек финалында Фликтің командасы 9 сәуірде дортмундтық “Боруссиясымен” ойнайды.

• Сондай-ақ оқыңыз: Жюль Кунде Барселонада 2030 жылға дейін қалады: клуб қорғаушымен келісімшартты ұзартты

“Барселонаны” маусымның маңызды сәтінде қиын сынақ күтіп тұр. Трофейлерді ұтып алу үшін команда тығыз уақытта өте көп ойын минуттарын өткізуі керек.

Байланысты командалар мен лигалар

Барселона

Ла Лига Испания