Тағы бір жеңіс! Қазақстандық Дәулет Төлемісов Eindhoven Box Сup жеңімпазы атанды
Бокс
Нұрбақыт Қадырбаев
Редактор
ФОТО: World Boxing
Дәулет Төлемісов Нидерландта өтіп жатқан Eindhoven Box Cup халықаралық турнирінде қазақстандық төртінші алтын жүлдегер атанды.
85 келі салмақ дәрежесінде финалдық жекпе-жекте Дәулет украиналық былғары қолғап шебері Микола Лактионовпен кездесті. Екінші раундта қазақстандықтың қарсыласына нокдаун есептелді. Ал текетірестің нәтижесі төрешілердің бірауыздан шешімімен Төлемісовтің жеңісі болды.
Финалға дейін қазақстандық бір ғана жекпе-жек өткізді. Ол Бельгия өкілі Идрис Леганасқа қарсы шығып, төрешілердің екіге бөлінген шешімімен жеңді.
Финалда Қазақстан мен Украина боксшылары арасында тағы бір текетірес орын алды – 80 келіге дейінгі салмақта Ерасыл Жақпеков Артур Касиановты жеңді.