Ерасыл Жақпеков Нидерландта өткен беделді турнирдің чемпионы атанды
Бокс
Нұрбақыт Қадырбаев
Редактор
ФОТО: ҚБФ
Қазақстандық боксшы Ерасыл Жақпеков Eindhoven Box Cup халықаралық турнирінде Қазақстанға үшінші алтынды әкелді.
Турнирдің финалында 80 келіге дейінгі салмақта Ерасыл украиналық Артур Касиановты жеңді. Жекпе-жек бүкіл қашықтыққа созылып, төрешілер бірауыздан Жақпековті жеңімпаз деп таныды.
Бұған дейін қазақстандық екі жекпе-жекте де төрешілердің бірауыздан шешімімен жеңіске жеткен болатын. Қарсыластар бельгиялық Симба Энди мен даниялық Силас Иде болды.
Бұған дейін қазақстандық тағы екі боксшы – Абылайхан Жүсіпов (70 келіге дейін) мен Даниял Сәбит (50 келіге дейін) турнир жеңімпазы атанды.