«Мықты бол, чемпион»: Усик Джошуаға қатысты қайғылы оқиғаға жүректен жауап берді
Украиналық супертяжел салмақтағы әлем чемпионы Александр Усик рингтегі бұрынғы қарсыласы Энтони Джошуаға болған қайғылы оқиғаға қатысты пікір білдірді.
Британдық боксшы өлімге соқтырған жол апатына тап болды, салдарынан оның командасының екі мүшесі қаза тапты.
Усик бұл оқиғадан қатты әсерленгенін айтты:
«Мұндай қайғыны сөзбен жеткізу қиын. Сина мен Кевин тек команда мүшелері емес, шынайы достар еді. Барлық жақындарына және бұл керемет адамдарды білетіндерге шын жүректен көңіл айтамын. Энтони, тез сауығып кетуіңді тілеймін. Мықты бол, чемпион», – деп жазды ол әлеуметтік желідегі парақшасында.
Алдын ала мәлімет бойынша, апат Лагос – Ибадан трассасында болған. Джошуа отырған Lexus көлігі жол бойында тұрған жүк көлігіне соқтығысқан. Салдарынан екі адам – бапкерлер Сина Гами мен Кевин Айоделе қаза тапты. Джошуаның өзі жеңіл жарақат алып, қазір ем қабылдауда.
Соңғы жекпе-жегінде британдық боксшы блогер әрі кәсіпқой мансабын енді бастаған Джейк Полды нокаутқа жіберген еді.
Айта кетейік, Усик Джошуаны 2021 және 2022 жылдары екі мәрте – екеуінде де төрешілердің бірауыздан шешімі бойынша – жеңген болатын.
Сондай-ақ Джейк Пол Джошуаның қатысуымен болған өлімге әкелген жол апатына пікір білдірді.