Әлімханұлы Адамеске тағы да үн қатты: «Қорқақ қайда жүр? Көрсеңдер, келісімшартқа қол қойсын деп айтыңдар»
Орта салмақта WBO мен IBF белбеулерінің иегері Жәнібек Әлімханұлы кезекті рет WBC чемпионы Карлос Адамеске үндеу жолдады. Қазақстандық боксшы қарсыласын жекпе-жектен жалтарып жүр деп айыптап, әлеуметтік желіде жазба жариялады.
«Қорқақты біреу көрді ме? Көрсеңдер, келісімшартқа қол қоюын айтыңдар!» – деп жазды Әлімханұлы, қарсыласының атын атамаса да, кімге бағытталғаны анық байқалады.
Бұған дейін Адамес Әлімханұлымен біріктіруші жекпе-жек өткізгісі келетінін білдірген болатын. Алайда WBC ұйымы оны өзге қазақстандық боксшы – кәсіпқой рингте жеңілмеген Мейірім Нұрсұлтановпен (20-0, 11 KO) міндетті жекпе-жекке міндеттеді.
Айта кетейік, 5 сәуір күні Астанада өткен жекпе-жекте Әлімханұлы француз Анауэль Нгамиссенгені бесінші раундта нокаутпен жеңіп, чемпиондық белбеулерін сәтті қорғаған еді.
Міндетті үміткер атағы үшін жекпе-жек: WBO Жәнібектің қарсыластарын анықтады.