Әлем чемпионының ұлы жол апатына ұшырады
Әйгілі боксшы, әлем чемпионы Александр Бахтиннің ұлы — 19 жастағы Захар Бахтин Мәскеу маңындағы Балашиха қаласында ауыр жол апатына түсті, деп хабарлайды Mash.
Захар көлік тізгініне ие бола алмай, жиекке соғылып, сауда орталығының ғимаратына кіріп кеткен. Жол апаты кезінде көлікте 20 жастағы Софья есімді қызы жолаушы орнында отырған. Қатты соққыдан кейін бойжеткен ауыр жағдайда ауруханаға жеткізілді.
Александр Бахтиннің айтуынша, ұлы Захар да түрлі жарақатпен жансақтау бөлімінде жатыр. Оған қатысты ҚР ҚК 264-бабы бойынша («Жол қозғалысы ережелерін бұзу, адамның ауыр жарақат алуына себеп болу») қылмыстық іс қозғалды. Бұл бап бойынша екі жылға дейін бас бостандығынан айыру жазасы қарастырылған.
Александр Бахтин – бокстан әлем чемпионы, Жапонияның тоғыз дүркін чемпионы және Азия чемпионы.
Екі дүркін әлем чемпионы тағы да назардан тыс қалды: Жәнібек Әлімханұлы ESPN рейтингінен үздік орын алмады.