Коротков турнирінде Бибосынов пен Хасанбой Дусматовтың жолы түйіспеді
Қазақстан ұлттық құрамасының жетекші боксшыларының бірі Сәкен Бибосынов Ресейдің Хабаровск қаласында өтіп жатқан Константин Коротковты еске алуға арналған халықаралық турнирде жеңісті жолын жалғастыруда.
54 келіге дейінгі салмақ дәрежесінде алғашқы жекпе-жегінде Сәкен ресейлік Курбан Байранбековпен қолғап түйістіріп, төрешілердің бірауызды шешімімен жеңіске жетті.
Жеребе бойынша жартылай финалда Бибосынов өзбек ағайынды боксшылардың бірімен кездесуі керек болатын: не екі дүркін Олимпиада чемпионы Хасанбой Дусматовпен, не оның інісі Фариезбекпен. Алайда өзбек дербиі өтпей қалды: Өзбекстан құрамасының бапкерлер штабы Хасанбойды турнирден алып тастау туралы шешім қабылдады. Осылайша келесі кезеңге оның інісі Фариезбек Дусматов өтті.
Енді жартылай финалда Сәкен Бибосынов дәл осы Фариезбек Дусматовпен күш сынасады. Бұл жекпе-жекте жеңіске жетсе, Сәкен турнирдің финалына жолдама алады.
Сәкен мен Хасанбой Дусматовтың арасындағы бәсекелестік тарихы ұзаққа созылып келеді. Олар рингте төрт рет кездесіп, әзірге есеп өзбек боксшының пайдасына - 3:1. Соңғы жекпе-жек 2024 жылғы Париж Олимпиадасының ширек финалында өткен болатын. Ол кезде Хасанбой төрешілер шешімімен жеңіске жетіп, кейін алтын медаль еншіледі.
Футбол
Бүгін 06:03
