Канело – Кроуфорд жекпе-жегін онлайн қайдан көруге болады
14 қыркүйекте әлемнің бокс астанасы атанған Лас-Вегаста жылдың басты оқиғасы саналатын кәсіби бокс кеші өтеді. Шоу бағдарламасының орталық айқасы – мексикалық аңыз Сауль «Канело» Альварес пен америкалық Теренс Кроуфорд арасындағы титулды тартыс. Жекпе-жектің бағасы – екінші орта салмақтағы абсолютті чемпион атағы.
Қос қарсылас та – рингтің шынайы жұлдыздары. Барлық негізгі белбеулерге ие Канело өз тәжін қорғауға шығады. Ал әзірге жеңіліс көрмеген Кроуфорд жаңа салмаққа көтеріліп, соңғы жылдардың ең атақты боксшысына ашық айқасқа шақыру тастады.
- Жекпе-жектің барлық ең қызықты сәттерін Sports24.kz Telegram-арнасында live режимде көруге болады!
Жекпе-жек кешінің толық кардын мына сілтемеден көруге болады.
Айқас Астана уақытымен таңғы 6:00-де басталады. Ал басты шайқас – Альварес пен Кроуфорд арасындағы тартыс – сағат 9:00-ден ерте басталмайды.
Бұл ғаламат бокс кешін Netflix тікелей эфирде көрсетеді.