IBA президенті Бетербиев - Бивол ұшінші жекпе- жегі өтетін жерді атады
Халықаралық бокс қауымдастығының (IBA) президенті Умар Кремлев Дмитрий Бивол мен Артур Бетербиев арасындағы үшінші жекпе-жекті Екатеринбургте өткізуді ұсынды.
Бұл туралы ол Свердлов облысының губернаторы Евгений Куйвашевпен кездесуінде айтты. Кремлев келіссөздер жүріп жатқанын атап өтіп, жекпе-жекті ұйымдастыруға үмітті екенін білдірді.
Өткен жылдың қазан айында Бетербиев Биволды төрешілердің басым шешімімен жеңіп, жартылай ауыр салмақта абсолютті әлем чемпионы атанды. Алайда ақпанда Бивол қарымта жекпе-жекте жеңіске жетіп, есепті теңестірді. Алғашқы екі айқас Сауд Арабиясында өткен болатын, содан кейін екі боксшы да үшінші жекпе-жекке дайын екенін мәлімдеді.
"Егер қолдау көрсетсеңіздер, біз жекпе-жекті Екатеринбургте өткізу үшін бар күшімізді саламыз. Келіссөздер жүргізіп, мәселені талқылап жатырмыз. Енді соңғы шешімге келу қалды", – деді Кремлев Telegram-дағы видеода. Бұған жауап ретінде Куйвашев облыстың жекпе-жекті жоғары деңгейде ұйымдастыруға дайын екенін жеткізді.
Қазіргі таңда Бетербиевтің кәсіби бокстағы рекорды – 21 жеңіс, 1 жеңіліс. Биволдың көрсеткіші – 24 жеңіс, 1 жеңіліс. Жекпе-жектің нақты қай жерде өтетіні жақын арада белгілі болады.